North Korea missile a siah nuclear a siah fawi tein a kap khomi runvennak system sang taktakmi missile THHAD cu US nih South Korea ah a chiah cang, asinain mipi nih an doh ngaingai. Taluk zong nih a doh tukmi a si. Asia ram uk nan kan timh cang tiah US zong a phomh len.
Nuclear a siah missile a siah fawi tein a rak zuangmi paoh a kah i a thla khotu mssile a si. North Korea nih a hrocer lengmang hna tikah US nih THAAD kan chiahpiak lai a rak ti, asinain an rak doh tuk i fawi tein hnatlaknak an rak tuah kho lo. Atu cun South Korea a phan cang. Asinain a nung rih lo.
South Korea khua chungah ah motor nganpi in an rak luh pi i, mipi nih an auh hnawh hna, tipung in an cheh hna, kham an timh tbk in a phunphun in an doh. South Korean President a si te lai tiah an zumh ngaimi Moon Jae-in hna nih cun a hnatlak pi lo ngai. A hlanah hnatlaknak rak tuah cangmi a si caah a si.
A min ah Terminal High Altitude Area Defence (THAAD) a si. An ser cuahmah lio a si i, kum dongh lei cun a nung cang lai i hman khawh a si cang lai an ti. South Korean defence ministry biachimtu nih a chimmi cu 'North Korea missiel le nucler hrocernak khamnak caah THAAD kan ser cuahmah lio a si' a ti.
Moon Jae-in biachimtu Park Kwang-on nih a chmmi cu 'South Korea ah THAAD chiah ding in hnatlaknak an rak tuahmi cu kan i ngaichih ngai ko' tiah a chim. Ref: The Express.