US ralkap inn pi (Pentagon) leiin an chimmi cu North Korea missile a kap khomi missile a sang taktakmi May thla chungah kan hneksak lai an ti. Iran le North Korea runvennak caah hman ding an timi a si. North Korea missile in kan i runveng kho ko ti langhternak caah kan hneksak lai tiah US defence official nih an chim.
An chim chihmi cu 'kan tuah dingmi cu kan raltuknak tilawng hmangin tha deuh in kan sermi missile kan hneksak lai. Pacific rili cungah kan hneksak fawn lai zeicatiah a hmun a kauh caah kan hneksak dingin missile thazaang he aa rup hrawng a si lai' tiah a chim. An hneksak dingmi missile hi tuan deuh ah an rak hneksak cangmi a si.
Atu i an hneksak than dingmi hi tha deuh chin lengmang in an tharchuahmi a si. Hla deuh chin lengmang a kap kho cang lai. North Korea rili leng tiang hmang khi a va kah khawh cang lai. North Korea in missile an rak kahmi hmanh a kah khawh cang lai tiah a chim. Japan he an ser timi a si i, North Korea thihpheihnak chungin runvennak caah an sermi a si.
A hneksak dingin hi a biapi ngai. North Korea nih US kan kap sual seh law zeitluk in dah kan i runven khawh lai timi theihnak ding caah May thla chungah hneksak ding in timhnak an ngei. North Korea hi US caah thinphang zungzal a si caah cheukhat upa nih cun ruah lo piin kah hna ding an si ko an ti, asinain an kap than lo.
Atu an hneksak dingmi missile tu hi North Korea khamnak ding caah hman ding timhnak an ngei. South Korea, Japa le US nih a kan rungveng khotu a si lai tiah an zumh. A herh ko ahcun ralkap zong kan hman hna lai tiah an ralkap zong timh cia in umter peng an si cang. Ref: CNN News.