Evangelist minthang Franklin Graham nih fak taktak in ISIS pawl a phomh hna. ISIS hi kan nunnak caah tihnung an si tiah Manchester bompuah hnuah a facebook ah a tial. Manchester bompuahnak ah minung 22 an thi i, minung 59 leng an i hliam.
Franklin Graham nih 'vanram ah ngaknu virgin 70 nih an hngak hna naisai hna lo. Hell nih an hngah hna' tiah a phomh hna. England i Manchester bompuahtu kan si tiah nan i phuang. Nu le hngakchia le sualnak ngei lomi nan thah hna. Ralchiat le zohchia tuahsernak a si' tiah a tial chih.
BBC news tial ning ahcun bompuah hnuah thil thar tampi an vun theihmi hna cu ISIS nih hmun dangdang zong bompuah an timh len rih hna an ti. Rev. Graham nih a chim thanmi cu 'Islam hi kan nunnak caah tihnung a si.
Namte sawh a um rih lai, meithal kah a um rih lai, bompuah a um rih lai, thahnak an um len rih lai. Kan ramkheltu zong an i thangh i zei bantuk tihnung ah dah kan um cang timi an zoh awk a si' tiah a chim chih.
President Trump nih cun 'misual hlawhtling lo an si. Kan hrawh cikcek hna lai' tiah Israel a tlawn lioah a chim. Graham nih a peh thanmi cu 'ISIS caah thawngpang thar ka ngei. Hell nih a hngah hna, meialh nih a hngah hna, mei nih a hngah hna' tiah a tial chih. Ref: TCP.