President Trump nih Saudia Arabia a tlawnnak ah hriamnam le investment kongah dollar tam taktak man hnatlaknak le minthutnak an ngei. Saudia Siangpahrang Salman hi a ram runvennak thanchoter chin lengmang aa tim ve. Trump he minthutnak a tuahmi hi $590 billion leng man a si.
Iran he hin dong loin aa ral i aa zuammi an si. Iran kong zong an chim len. President Trump nih a chimmi cu 'Iran hi daihnak hawi a si hlan chung poah cu a lungfimmi ram paoh nih cun an hrial peng awk a si ko. Tapung zong dong loin a bawmh lengmang hna.
Iran mipi nih uktu tha an hmuh khawhnak hnga thlacam ko hna u sih' a ti.
A chim thanmi cu 'Iran hruaitu hna nih dong loin buainak le tihnung thil an tuah lengmang ruangah an mipi zong harsatnak an tuar tuk cang. Iran cozah nih thahnak khua lawng te an khaang; Israel hrawhnak le America huatnak lawng te an chim' tiah a chim.
Iranian Foreign Minister Mohammad Javad Zarif nih twitter in a vun phomh colh hna. Investment le hriamnam caah tam tuk man min nan thutmi cu America nih cawhnuk an in dinhmi hna a si tiah Siangpahrang Salam zong a phomh. Iran thimnak kan ngeih kaa te a si. Trump nih a kan den colh tiah a tial chih.
Mah zatzat man hnatlaknak nan tuahmi hi nan foreign policy maw a si or cawhnuk an in dinh menmenmi hna dah a si tiah a tial than. Iran thimnak cu zarhpi kha a fiang. President Hassan Rouhani a chuak than. Ref: TOI.