FBI Director James Comey rian ka phuahmi hi atu lio kan buainak a daih tikah cun ka cungah nan i lawm te lai. Washington Republican le Democrats upa kip zong nih Comey hi an zum ti lo. Thil sining a daih in cun nan ka lawmh te ko lai' tiah Trump nih a chim.
'Democrats zong nih Comey chiatnak kong fak piin an chim. A rianphuah ding a si ti tiang in an chim, asinain atu cun an ngaihchia tuk cang' tiah twitter in a soiseltu a phomh hna. 'A let in a tha deuhmi nih a thlen lai i, FBI cungah upatnak le hrinthannak a a chuah pi lai' a ti.
Democrats lei cu an lungtling lo ngai. Campaign tuah lioah Russia le Trump minung pehtlaihnak hlathlaitu bu kan ser lai tiah an zai len. Repulican upa cheukhat zong an lung tha lo ngai. Trump minung le Russia pehtlaihnak thuk piin a dothlattu Comey cungah aa chia an ti.
Tuaktan kho nih cun tutan Trump cawlcangh cu an uar lo ngai. US nih an ngeihmi tungtlang taktak a simi FBI hlathlainak duh loin Director James Comey tiang chuah cu ahohmanh nih hlathlai khawh ka si lo ti he aa khat an ti.
Upadi hmaiah cun President zong zaraan minung bantuk a si. A ngaingai ti ahcun FBI hi zalong tein US President tiang in a sualnak a kawl kho i, dothlat kho ding tiang in phunghram nih nawl a pekmi hna an si. President thing Obama nih 2013 ah a rak khanh i kum hra a tlin hlan in Trump nih a chuah than.
President Bill Clinton nih FBI Director a rak phuah ve. A ruang cu FBI vanlawng kha a pumpak herh ah a rak hmanh ruangah a rak phuah. US phunghram zong nih a upat hna i President tiang nih an upatmi hna an si. Asinain atu lio cu US zong a buai tuk lio a si caah bia fiang tu hngah a hau ko rih. Ref: CNN News.