North Korea ralkap dirh kum 83 tlinnak ah North Korea nih an phuanmi cu American sungthoh CIA nih South Korean sungthoh (IS) le kan ram minung he bawm in kan hruaitu Kim Jong-un thah nan timh tiah sual an puh hna. Atu zong a thar in hitihin an vun chim than.
Naite ah CIA nih North Korea Mission Center kan dirh than lai tiah thawngthanhnak an tuah. North Korea nuclear le missile program doh ding in fak deuh in cawlcangh an i tim cang. CIA nih an riantuannak mission center an dirhnak ram hi Asia, Africa, Middle East in Europe tbk tiang khi an si.
North Korea dohnak caah mission Center dirh an timhmi hi a dang te a si. North Korea nih an theih tikah kan hruaitu Kim thahnak khua lawng te nan khaang i, nan kan huatnak hi donghter nan tim lo tiah an vun phomh than hna.
North Korean vice foreign minister Han Song-Ryol nih a chimmi cu 'kan hrauitu thahnak khua a khangtu hna hi zaangfahnak ngei loin kan phomh hna lai i, kan in hloh dih hna lai. US le South Korea nih kan cungah huatnak policy an ngeih chung poah cu kan raldohnak a dai kho lai' a ti.
'Tapung' tiah a auh hna. 'Kan ram huatnak policy an ngeih chung paoh cu tapung he kan i phomh lengmang ko lai. Hi misual le khuachia hna hi vawlei in kan in hloh dih hna lai. Mi thattu bu an um chung paoh cu vawlei hi a dai kho lai lo. Kan tapung dohnak a linsa lengmang lai' tiah a chim. Ref: The KNCA News.