Zarhpini i missile a hneksakmi nih North Korea dirhmun le thazaang tampi a vun langhter cang. Tutan a hneksakmi cu a sang ngai cang. A hlan naak in a thangcho chin lengmang cang tiah expert nih an chim. Kim Jong-un nih US zong ralrinnak a pek hna.
North Korea State TV nih a chimmi cu 'Kim Jong-un nih missile a hneksak khawh in a pumpak hrimhrim in US ralrinnak a pek hna' a ti. 'Tihnung chin lengmang in kan thinhunnak kan chuah hnawh hna lai' a ti tiah a chim.
TV nih Kim Jong-un zong an thangthat. 'North Korea hi nuclear inn pi ah na ser cang' an ti. An chim thanmi cu 'US he phomhnak taktak tong u sih law US lawng hi harnak a tongmi a si ti lai lo. US hawile vialte te zong an tuar lai. Kan missile nih a phaknak hmun ah an um dih' a ti.
'Kan kut cungah tihnung tukmi hriamnam an um cang' tiah a chim chih. Asinain US nih cun North Korea missile hneksakmi hi kan ram caah tihnung a si lo an ti. Kim Jong-un nih a chim thanmi cu 'US nih Korea a chuah tak hlan chung vialte kan nuclear le mssile thazaang kan thawnter chin lengmang lai' a ti.
'US nih nuclear in Korea ah a kan um hnawh. A phunphun in a kan hrocer, asinain nuclear le ralkap inn pi kan si cang. America nih an ngamh i kan thin a kan hunter ahcun kan phomh colh hna lai' tiah a chim chih. Ref: The Express.