Zarhpini ah North Korea nih US raltuknak vanlawng kahnak missile pawl a hneksak len hnuah US raltuknak vawlawng kan hrawh dih cang lai ralrinnak bia a chim than.
Nihin ah missile laiva hranwg a simi a hneksak than tiah South Korean Yonhap news nih a tial. President Trump zong an theihter colh. National Security Council meeting zong a auh colh tiah ralkap upa nih an chim.
Zeitin dah lehrulnak bia an chim te lai theih a si rih lo. US le South Korea ralkap upa nih an hlathlai cuahmah lio a si. North Korea nih a voiruknak nuclear a hneksak deng cang lai tiah tuaktan kho nih an chim.
Norh Korea hruaitu Kim Jong-un nih a pennak fehter chin lengmang aa tim. US a kap khomi ICBM a ser cuahmah lio a si. 2020 ah cun aa lim ko lai an ti. Missile le nuclear lo cun ka him lo ti hi North Korea a ruah pengmi a si. Ref: The Express.