President Trump nih Western Wall ah thlacamnak a ngeih khawh in Israel Prime Minister Netanyahu he Jerusalem i Siangpahrang David Hotel ah biaruahnak an ngei. Iran kong an ceh. 'US sinah thathneman an hmuhmi cungah aa lawmh awk a si' tiah Trump nih a chim.
'Rumnak le thanchonnak kan pek hna, asinain tapung bawmhnak le sualnak riantuannak caah an hman. Missile le nuclear zong kan hneksakter ti hna lai lo' tiah President Trump nih a chim chih. Prime Minister Netanyahu nih Saudia Arabia i Iran kong a chim cungah lunglawmhnak a chim ve.
Iran President Hassan Rouhani nih a rak leh colh hna. 'US nih mssile hneksaknak kongah nawl pek kan hau lo. A herh ahcun kan hneksak lengmang ko lai. Kan missile cu kan ram runvennak an si i, midang kahnak caah kan tuahmi hna an si lo. Nanmah nih nawlpek kan herh lo timi hi rak thei' tiah a chim.
Tuaktan kho nih an chimmi cu nai hrawng Iran le North Korea thlithup pehtlaihnak nih Iran lung a puamter chin lengmang cang an ti. Iran President Hassan Rouhani nih atu bantukin a chimmi cu North Korea he an i dannak a um ti lo an ti.
President Trump le Saudia Siangpahrang Salman zong tonnak zong 'zoh dawh menmen tonnak a si. Ramkhel in a siah zatlangnun phung in a siah thathnemnak zeihmanh an chuahter hlei lai lo. Ram thawng hna sinah tangka peknak thawng in tapung nan hlo kho hlei hna lai lo' tiah a chim chih. Ref: TOI.