North Korea missile hneksaknak nih Japan thin a phawh taktak cang. Tu ni ah North Korea nih missile a hneksak i Japan ram Oki Islands ah a tla. Japan in meng 190 hlat ah a tla. Japan Prime Minister Shinzo Abe nih a chimmi cu 'a herh ning in rian kan tuan cang lai.
US he kan ceihmai lai i Kim Jong-un hi kan kham lai. G7 ah kan ceih bantikin Norh Korea hi kan hmaithlak sang bik pakhat a si' a ti. US he rian kan tuan ti lai i, North Korea hi a herh ning in kan rengh lai i kan kham lai. Missile a hneksakmi hi kan ram himnak caah tihnung a si.
Kan cohlang kho lo tiah a chim. North Korea in an kah i meng 280 hrawng a kal i Japan ramchung ah a puak. South Korea zong nih fak ngaiin a phomh than hna. Kim Jung-un nuclear hrocernak hi kan cohlang kho lai lo. Kan cozah nih kan lehrul hrimhrim lai' tiah fak ngaiin a chim.
President Trump zong an theihter colh. Inn Raang ah National Security Cunncil an auh colh. Asinain zeitin dah kan cawlcangh lai timi cu an chim rih lo. North American Aerospace Defense Command nih cun 'North Korea missile hi US caah tihnung a si lo' an ti. Ref: The Express.