Basketball minthang Dennis Rodman hi North Korea hruaitu Kim Jong-un hawikawm pakhat a rak si. Voiruk tiang North Korea a tlawng i Kim Jong-un he zong caan an hmang ti cang. Basket celhnak puai an rak tuah lio zong ah an rak thu ti.
Dennis Rodman nih a chimmi cu 'Kim Jong-un hi misual le mi thalo ah kan ruahmi hi a hmaan lo. Mi tha a si. Zaraan bantuk a si ko' tiah a chim. Voinga tiang NBA championship a hmu cangmi Dennis Rodman nih a chim thanmi cu 'Kim hi kanmah bantuk cio a si ko. A inn zong ah ka leng cang' a ti.
Modonna zong a ih pi cang i, Carmen Electra pasal zong a simi Dennis Rodman nih a chimmi cu 'Kim nih ahohmanh bom thlak a duh hna lo. Aa hrocernak cu nuclear ngeih a duh caah a si. Nun chung hawikawm kan si' tiah a chim chih.
Kim Jong-un nih American hawk tha cem a ngeihmi cu Dennis Rodman hi a si. 'A chim thanmi cu 'hawi sin a um ahcun kanmah bantuk cio a si ko. Capo a sai, lente aa celh i ti aa lio i , table tennis zong aa celh ko. American kan hla zong a duh i karaoke zong an sa ko a ti.
North Korea ka rak phak kaa ahcun a car i thaba a si, asinain a voihnihnak ka kal ahcun aa thleng tuk cang. Inn tharthar le hotel thatha a ser cang hna. Vawleicung ah water park ngan bik a sertu zong a si a ti.
A chim thanmi cu 'a pu Kim Il-sung le a pa Kim Jong-il ruak zong a inn khan chungah aa chiah ko hna' a ti. 'Hihi a hmaanmi tuanbia an si tiah a chim chih. Ref: The Express.