Jerusalem vampang ah President Trump thla a cam. Vampang aa tlaih i vampang karlak a kuami chung zong a purh i ca a chiah. U.S. ambassador for Religious Freedom Johnnie Moore nih a chimmi cu 'Pathin sinah fimnak a hal' tiah a chim.
President Trump nih a chimmi cu 'Jerusalem vampang (Western Wall) ka leng. Vampang nih ka khuaruah a ka harter. Pathian nih a um pi ko timi ka theih. Vampang kaa tlaih i Pathian sinah fimnak ka hal' tiah a chim.
US President ah Judaism hmun thiang bik Jew miphun thlacamnak hmun Western Wall a leng hmasa cemmi cu President Trump a si. Western Wall a len hlanah Khrihfami Biakinn Holy Sepulchre zong a leng. Jesuh Khrih vailam an tahnak hmun a si an ti.
President Trump zong aa lunghmuih tuk. President Trump zumhnak kong hi kan theih chin lengmang cang. Pathian a duh ko timi a lang. A chimmi kan zumh lo hmanh ah a tuahsernak in zumh lo awk a tha ti lo. Biaknak le a cawlcangh hi aa tlai zungzal.
Vice President Mike Pence nih 'Biaknak Zalonnak' min an thut lai ah a chimmi cu 'President Trump hi a chungkhar a dawmi, a ram a dawmi le hninh awk tha loin Pathian aa tlaihmi zumtu tha a si' tiah a chim. A fanu Ivanka Trump zong a pasal zumhnak Judaism ah aa thleng cang. Ref: TCP.