Tlangcung ram (State) pasarih cu anmah te cio in phunghram hraan ser cionak nawl a onh hna. Mah tein khuakhan khawhnak le ramchung tluk ceo uknak kan kawlnak ah kan teinak ngan pi a si tiah Tlangcung ram hruaitu pakhat nih a chim.
Ningani zing i Union Peace Dialogue Joint Committee (UPDJC) tonnak an ngeih hnuah Pa-O National Liberation Organization (PNLO) hrauitu Col. Hkun Okhar nih report tu hna sinah a chimmi cu 'cozah nih a kan cohlan cang.
Kanmah cio in kan ram phunghram hraan sernak nawl a kan pek cang' a ti. A chim thanmi cu 'Kawlram tuanbia ah a um bal lomi a si. Union tangah state cio nih hi bantukin thill ti khawhnak nawl kan ngei bal lo. Nihin ah kan hmuh cang' a ti.
Ningani UPDJC nih hnatlaknak an tuah khawh cangmi cu sovereignty, practice of sovereignty, equality, self-determination, federal Union principles, le a multi-party democratic system hna hi an si i, a hnuah biaknak le politic pehtlaihnak kong an ceih than te lai.
State kip nih phunghram hraan nan i ser cio tikah 2008 phunghram kalh in nan ser lai ti a si. State kip nih parliament, cozah, court an i ngeih dih lai i Union cozah nih hnahnawhnak a pe hna lai lo.
'Federal Union kan ser lai i, mah nih cun kan ram cio tluk ceonak le mah te cio khuakhannak a kan pek lai. Ahohmanh Union in kan chuak lai lo. Ralkap fialnak zong in kan chuah tak lai lo' tiah Col. Hkun Okkar nih a chim.
Kan ram min thar cu Federal Union of Burma a si lai a ti. Tlangcung ram hna cu Kachin, Karen, Arakan, Mon, Shan, Chin, le Karenni hna an si. RefL Irrawady News.