Zahan zan ah England, Manchester i hlasak thiam Ariana Grande concert tuahnak ah ISIS nih pumpek in bom an puah hna i minung 22 an thi. A thimi lak ah hngakchia zong an i tel len hna. Aa hliammi zong minung 50 leng an si.
Concert a dih bak ve a puak ve an ti. President Trump nih fak ngaiin a thinhunnak zong a rak langhter. Ngaihchiatnak a tongmi chungkhar hnemhnak bia zong a chim.
'Ngaihchiatnak a tongmi chungkhar nan ngaihchiatnak kan in hrawm pi hna' tiah Judea ram Bethlehem in a rak chim.
Mino tampi, aa dawh tukmi hna le sualnak a ngei lomi an nun an i nuamh tuk lio ah misual hlawhtling lo hna nih an thah hna' tiah President Trump nih a chim. 'Kan society nih kan cohlan khawh lomi a si.
Hi bantuk sualnak lam a zulmi phung hi kan hloh dih cikcek hna lai. 'United Kingom mipi hna, kan in dirpi ko hna' tiah President Trump nih a chim. ISIS leiin teinak bia an rak chim. Hmailei zong ah kan in thah chin lengmang hna lai tiah an chim. Ref: The sun.