Kan hnu zarh ah Inn Raang ah Russian foreign Minister Sergei le ambassador Sergey nih President Trump an ton. Trump nih thlithup informationa (classified infortion) a pek hna. Tuan ah cun an thei lo nain a hnuah Washington Post nih a tial i an vun theih dih.
Zei ko dah Trump nih a tuah than an ti i, vuivainak a tam chin lengmang hnuah Trump nih twister in 'keimah nawl a si ko. Ka duh ahcun ka pek ko hna lai. ISIS tapung dohnak kong le Syria kong tham cu a herh ning in ka pek ko hna lai. An doh khawhnak hna a si poah ah cun a poi lo' a ti.
Congress upa pawl an lungre a thei cang. Cun Israel sungthoh hrimhrim an thinphan tuk cang. Israel sungthoh le American sungthoh hi neihniam tein riantuan ti le information aa hrawm pengmi an si tikah Trump nih a pekmi ah hin Israel caah tihnung thil zong aa tel khomi a si an ti.
Mossad hruaitu thing Danny Yatom nih cun 'Trump nih Russian sinah thlithup thil a pekmi ruangah America hi Israel nih dan kan tat awk a si. Hmailei ah Trump nih a nolh ti lonak ding ah a si khawh ahcun dan kan tat hna ding a si. A nolh than ahcun kan pe ti hna lai lo' tiah Radio 103 FM ah a chim.
Danny Yatom hi 1999 in 2001 tiang Israel sungthoh Mossad hruaitu a si. Mossad le CIA hi pehtlaihnak tha tuk a ngeimi an si. Ram khat le ram khat himnak kongah aa bawm i thlithup information an theihmi poah aa hrawmmi zong an si.
Tutan ah Trump nih hi bantuk thil a tuah tikah Mossad le CIA karlak mawhchiatnak zong a um len lai ti theih khawh an si. Israel official pakhat nih cun 'kan thil mansung suiluchin kan pe kho ti hna lai lo' ti tiang in a chim. Ref: TOI.