President Trump ramleng khualtlawnnak cu a hlawhtling tiah an hmuh dih. Saudia Arabia in Israel in Vatican in Belgium in Italy tiang a khualtlawnnak zoh tikah timhnak tha tein a ngei. Inn Rang lei zong in neihniam taktak in an rak zulh lengmang khawh.
Ramleng kongah zei bantuk policy dah a ngeih timi zong fiang tein a langhter khawh i, ramleng zong nih an cohlanpiak cio ko timi a lang. US le Middle East karlak ah hlat chin lengmangnak a um lioah Trump nih a thar in an vun sersiam than cang.
NATO ram zong fiang tein nan ram runvennak caah ningcang le hmaan tein tangka tho lengmang u tiah a nolh than. US nih NATO a dirkamhnak zeitluk in dah a thawn timi fiang tein a chimh than hna. US nih kan hawile NATO ram leirawi kan i tim hna lo. Fek tein kan dir zungzal lai a ti.
NATO ram a dir pi ko timi fiang tein a langhnak cu Baltic ram pawl kan thawnter chin lengmang hna lai i, kan karhter chin lengmang hna lai tiah NATO Headquarter ah a chim. Russia caah cun thinhung ngai a si lai tiah tuaktan kho nih cun an chim.
Russia le NATO ram pawl hi Baltics ram kongah entainak an ngei lengmang. Asinain Trump nih cun Baltics ram kan runven chin lengmang lai a ti. Trump nih NATO ram vialte an thawpi a chuahter cang hna. NATO ram zong an thawng chin lengmang lai tiah zumh a si.
Israel zong a tlawng than i Israel Prime Minister Netanyahu he zong rem ngaiin an i pehtlai kho. Israel zong Obama chan bantuk si ti loin US cungah a lung a dam cang lai. Iran zong fiang tein nuclear kan ngeihter lai lo tiah fek tein an chim veve.
Tuaktan kho nih Trump khualtlawnnak biatlang an kawm ciomi zoh tikah President Trump hi ramdang he aa hlat hrimhrim lo. Vawleicung ah America hruaitu a sinak a thar in a vun langhter than timi fiang tein an hmuh. Trump policy nih vawleicung thatnak a pek hrimhrim lai tiah an chim. Ref: CNN News.
By Nile Gardiner