Russian President Putin nih US le a hawile hna cu fak ngaiin ralrinnak a pek hna. North Korea nih missile a hneksak thaizing in Putin nih North Korea hi 'rak thihpheih lengmang hlah u' tiah a vun hrocer hna. North Korea hnar a puarter ngai ko lai an ti.
Asinain Putin nih North Korea zong a mawhchiat len ve. 'Missile na hneksakmi hi a tihnungmi le kan cohlan khawhmi a si lo' a ti. Tutan a hneksakmi hi nuclear a phur kho cang lai tiah an zumh. A sang ngai cang an ti. 'North Korea nuclear buainak hi daihnak tein kan damter a hau' tiah a chim.
Putin nih a chim thanmi cu 'nuclear karhter kan duh ti lo. North Korea zong nucler ngeihter kan duh ti lo. Hihi cu fiang tein kan chimh hna' tiah report tu hna sinah a chim. 'Amah belte cu North Korea hi thihpheih in hrocer ti hna hlah u sih.
Daihnak lam tu in kan damter hna lai' tiah a chim. US le a hawile sinah a chim duhmi a si an ti. Russia in meng 60 hrawngah a tla ko nain Russia caah tihnung a si lo tiah Putin nih a chim than.
North Korea ambassador Ji Jae Ryong nih Taluk in a vun chimmi cu 'ICBM zong kan hneksak than lai. A ni le caan kan thei rih lo. Kan hruaitu Kim nih a rem a ti tik poah ah kan hneksak than lai. Tutan kan hneksakmi hi US lehrulnak kan tuahmi a si' tiah a chim chih. Ref: The sun.