Pehtlai in zarh khat ah voihnih bakte missile a hneksak i Taluk nih fak ngaiin North Korea a hrocer cang. Taluk foreign minister Wang Yi nih 'UN Security Council biachahnak kan tuahmi buar than ti lo ding in North Korea kan chimh cang' a ti.
US zong an luat hlei lo. Taluk nih an timi hna cu 'nan cawlcangh i sum deuh u. Kap hnih in i sum veve u law pakhat le pakhat thinhunter i tim lengmang hlah u' tiah US zong an ti hna. North Korea nih nuclear a phur kho missile ser than aa tim.
US ram laicer a kap khomi missile le nuclear kan ser lai. US namneh hmannak hi kan doh hrimhrim a hau tiah North Korea official pakhat nih a chim. US nih North Korea rengh ding in Taluk hi a auh lengmang ve. Taluk nih kap hnih in a auh lengmang ve hna.
North Korea zong nih lungthumh hlei aa tim lo. Korea ah a ralkap zong um ti hna hlah seh law kan ngol ve lai tiah North Korea nih a ti. US caah a si kho lomi a si. North Korea nih a pehzulh lengmang ko ahcun Taluk nih a ing kho te lai lo timi a fiang ngai cang.
Tutan missile pahnih a hneksakmi kongah Kim Jong-un cu a lungtling ngai cang tiah KCNA news nih a tial. US lei an siah South Korea lei an siah fak ngaiin dohnak a um te ko lai tiah an chim cang. Ref: The Express.