Tihnung zong a simi khuaruahhar zong a simi thil pakhat an hmuh. Van in mei tung a rak tla i minung pakhat Alex Sawyer le a hawile nih a hmuh i a khuaruahhar tuk i a phone i video a lak. England i khua pakhat Devon ah a si.
Alex nih a chimmi cu 'A tlaknak le kan umnak hi aa hlat lo. Meter 20 lawng nih a kan dan. A rak tlak thawngpang a than tuk ah hin kan hnakhawh zong a pit dih dengmang. Miakpi in hlah maw an kan kah cang tiah kan ruah' a ti.
Alex hi Plymouth University a kai lio a si. A chim thanmi cu 'ka hawile he mei tung a rak tlak lio kan hmuh. A tlaknak hram ti awk bak ah kan um' tiah a chim. Kan lau tuk hringhrang. A um bal lomi a si. Van in hi bantuk mei tlak cu khuaruahhar tuk a si. A tlak hmun zong a hrawh dih hna.
Inn cungah aa tla i inn zong a kangh dih. Mei thattu an auh hna i an thah than. A hmutu vialte an khuaruahhar dih. Ningani zan ah a si i, mimthla lek zong a si fawn, asinain mei tung bak khi a si ko tiah chim chih. Ref: The Express.