President Trump nih North Korea kah a timhnak biathli a chuak . Trump nih North Korea a kah ahcun ralpi pathumnak a tho ko lai tiah thlithup document nih a tial. North Korea nih ngol loin nissile a hneksak lengmang i US thin a hung ngai cang.
Document an phuanmi ah aa tialmi cu Taluk cungah aa hngat ko. Taluk nih a rengh khawh lo ahcun kan kah cang ko lai tiah thlithup document nih a tial. President Trump nih a chimmi cu 'ka kut cungah zei poah a um. A hneksak lengmang ahcun a missie ka hrawh dih lai' a ti.
"Mah cu thawngpang tha a si ko. Korea ah kan hriamnam thazaang khat thup in an um ko. Kan nuclear phurtu ti lawng in raltuknak vanlawng phurtu tiang nih a dum dih ko hna. Vawleicung ah a tha bik an si' tiah Trump nih a chim chih.
Philippine president Rodrigo Duterte he phone in an i chawnh lio zong ah an pahnih in North Korea kong an ceih. Duterte zong a lungrethei. Trump nih a chimmi cu 'Taluk nih a rengh khawh taktak lo ahcun ka phomh cang lai. Hi mihrut pa nih nuclear ngeih ding cun a si kho lo' a ti. Ref: The Express.