Russian foreign minister Sergei Lavrov le ambassador Sergey Kislyak sinah President Trump nih thilthup information (Classified Information) a pek hna. Sergey Kislyak hna hi cu Russian sungthoh bakte a si an ti. Israel sungthoh le CIA zong an thinhung ngai.
Mah lawng hmanh si rih loin FBI Director James Comey rian a phuahnak cu Russian sinah aa phorhlaw rih. Kan riantuannak ah hna a kan hnawh tuk i a rian in ka phuah tiah a chimh hna. Russian lei zong nih caposeihnak ah an hman.
A hnuah thawngpang thar a chuak thanmi cu Russian le National Security Adviser thing Micheal Flynn pehtlaihnak kong na hlat lengmangmi hi ngol ko cang tiah President Trump nih Comey cu a fial. Micheal Flynn lawng si loin Trump riantuantu upa dangdang zong an i tel len rih ti a si.
Comey cu a rian in a phuah cang caah FIB Director thing Bob Mueller cu Comey hmaban pehzulh than ding in nawl an pek cang. An sualnak le palhnak a hmuh hna ahcun tazacuai khawhnak nawl tiang an pek. Inn Raang lei sihni pawl zong nih Trump rianphuahnak lam a um maw timi an hlathlai cuahmah lio a si. Ref: CNN News.