North Korea nih a voi kuanak missile a hneksak than. President Trump nih a vun phomh than hna. 'Upat thei lo North Korea' a vun ti cang. A inn pa Taluk zong a upat lo. Taluk nih aa zuam tuk ko nain santlai lo ah a ser hna a ti.
Twitter in a tialmi cu 'North Korea nih Taluk cungah upatnak pakhat hmanh a langhter lo. Atu ah a thar in missile a hneksak than cang. Taluk zong aa zuam tuk ko nain Norh Korea nih zeihmanh a rel lo' a ti.
Taluk leiin foreign ministry leiin an chimmi cu 'atu lio North Korea kong hi theih a har ngai cang. Zei khawm hmanh a siah i sum cio ko hna u sih' tiah a ti. 'North Korea zong nan i sum lo ahcun nan luan sual lai' tiah ralrinnak a pek cang hna.
Taluk nih North Korea hi a rengh seh len ve ko nain North Korea nih a ziaza thlen aa tim ti lo. Japan cu an thinhung ngai cang. US cawlcanghnak paoh kan zulh cang lai tiah Japan Prime Minister Shinzo Abe nih a chim.
'Dong loin a hneksak lengmang hi kan cohlaang kho ti lai lo' tiah a chim chih. South Korea lei zong in fak ngaiin an chim. US Defence Secretary James Mattis nih cun 'North Korea nih tihnung ral chungah a kan luh pi chin lengmang cang' tiah a chim. Ref: The sun.