Taluk nih North Korea pawngah a missile thar a hneksak thluahmah than. Bohai Rili ah The People Liberation Army missile hneksak le cawlcangh hi a sawhsawh a si lo an ti. Taluk le North Korea karlak ah a ummi rili a si. A hneksakmi zong lung a tling ngai an ti.
Missile an hneksakmi cu 'Rocket Force" tiah an uah i zeiruangah dah an hneksak timi theih a si rih lo. US an hrocernak maw a si North Korea hrocernak dah a si timi zong an chim lo. Taluk ralkap upa nih cun 'an missile hneksakmi hlawh a tling. Kan ruah ning tein kan hneksak khawh' an ti.
Taluk hi North Korea hawi tha bik a si. Asinain President Trump nih North Korea chak na rengh deuh a hau tiah Taluk President Xi zong atu le atu in a chonh lengmang. Taluk nih North Korea zong a rengh ngai cang. Taluk le North Korea karlak tiang ah theihthiam lonak an phan deng.
Taluk nih North Korea cu nan nuclear program in kan ram himnak nan hrawh ahcun kan in kah hna lai ti tiang in an hrocer hna. North Korea ramri ah chiahmi Taluk ralkap nih 'cawl hlah, na cawl ahcun kan in kah lai' ti hi North Korea holh in an cawn lengmang lio a si.
Ramri khuasa North Korean zong nih an holh an chim lengmang hna. US nih South Korea ah THAAD missile a chiahmi kongah Taluk zong a lung a dai kho rih lo. THAAD radar hi kan ralkap sungthohnak caah an hman tiah Taluk nih a chim. Ref: The Xinhua News.