US nih ISIS an phomh ning a fak kho taktak cang. Syria hmunkhur ISIS ralkap le chungkhar 80 leng an thah hna. Din loin an phomh cang. Manchester bompuah hnu in ISIS an phomh ning a fak chin lengmang cang.
President Trump nih ISIS doh ding in a rak i timhmi hi a sawhsawh a si lo. ISIS hrawh hi ka hmuitinh sang le biapi bia a si lai a rak ti lengmangmi hi an rak hmaan chin lengmang. Saudia Arabia a tlawnnak ah a chim.
Israel a tlawnnak ah a chim i NATO upa he an i tonnak zong ah a chim. ISIS hi kan hloh dih cikcek hna lai tiah NATO zong a forhfial len rih hna.
Syrai khuapi Raqqa an cawlcanghnak a si ah Iraq i Mosul an cawlcanghnak a si ah vawlei tang le kua lawng te an hman tikah kah an har ngai. Asinain fak chin lengmang in an phomh hna tikah ISIS zong an thi chin lengmang cang.
ISIS dohnak ah vawleicung ram kip an i fon chin lengmang cang. Russia in Britian in NATO ram in US in a dangdang tiang in an raltuknak vanlawng an tho chin lengmang cang. ISIS le vawleicung dohnak puai ah an phan cang. Ref: The Express.