US raltuknak tilawng (The USS Dewey) pi cu nithumni ah cuhmi Thlang Taluk Rili pawngah a rak phan. Hi rili hi cuhmi a si ko nain Taluk kut ah a um. Trump cozah tangah a voikhatnak US nih a rak rat hnawh hna a si. Meng 12 tluk neih ah an rak phan.
US ralkap inn pi leiin biachimtu Capt. Jeff Davis nih a chimmi cu 'Asia-Pacific rili hrawngah kan rak phan lengmang ko. Thlang Taluk rili zong ah kan rak phan lengmang ko. International upadi kan buar lo. Kan zuang, kan rak phan, kan cawlcang lengmang' tiah a chim.
Asinain Taluk leiin lehrulnak an chim rih lo. Tuan deuh Obama chan lio i an rak rat lioah cun Taluk nih 'hi bantuk cawlcangh hi upadi buar zong a si pinah timh ciammam tein thinhunternak chuah duh a si' tiah fak ngaiin hrocernak le thinhunnak bia an rak chim.
US President thing Obama chan ah khan cun zalong taktak in an rak phan lengmang, asinain Trump cozah tangah cun Taluk thinhunter kan hrial cang lai tiah an chim nain nithumni ah an rak rat hnawh than hna. Trump cozah nih an hrial duhnak ruangah cu North Korea hi reng seh ti an duh.
Hi rili hi Brunei, Malaysia, Philippines, Vietnam le Taiwan zong nih an cuh ve hna a si. Kum hramthok ah khan US ralkap up cheukhat nih zalong tein tilawng cawlcanghnak nawl kan pe u tiah Pentagon an hal hna i an rak sianh hna lo.
Taluk he pehtlaihnak remh kan duh caah Taluk thinhunter lo kan zuam lai an rak ti hna. Taluk nih Thlang Taluk Rili ah hin kum tin in $5 trillion lengmang chawlehthalnak ah an hmuh. Ref: CNN News.