Missile a hneksak hnuah North Korea cozah nih hrocernak bia a chim than. Redoing Sinmun News nih a tialmi cu 'kan ral hi kan mit kan chinh kanh hrimhrim hna lai lo. Kan hriamnam zong kan chia naisai lai lo.
Kan thazaang kan thawnter chin lengmang lai' a ti. A tial thanmi cu 'kan ralkap le kan mipi nih zeitik hmanh ah kan ral hi kan mit kan chin kanh hna lai lo. Kan hriamnam zong kan hlaw naisai lai lo. Vawlei pi naak in hmanh in kan ram runvennak kan i thim deuh lai lo.
Kan ral hrocernak le namnehnak zong zeitik hmanh ah kan cohlang kho lai lo' tiah a tial chih. 'Kan ral US le an hawile nih kan ram dantatnak khua lawng te an khaang i, tlaih khawh ding in an um ti lo. An cawlcangh le an umtu nih kan ralkap le mit hrimhrim a kem tuk cang.
An ziaza an thinh lo ahcun nuclear ral zong kan tho lai i vawlei hi nuclear hell zong ah kan ser lai' tiah fak ngaiin an chim. Zarhpini ah a hneksakmi hi ICBM si loin a fa deuhmi a si.
A hneksaknak hmun hi Kusong ah a si i, a hlanah ICBM an rak hneksaknak hmun ah a si. Japan rili ah a tla i, Russia zong in meng 60 te lawng aa hlat. Russia zong a lungrethei ngai. Asinain zeihmanh lehrulnak a um rih lo. Ref: The Express.