US Secretary of State Rex Tillerson nih nilini ah a chimmi cu 'Middle East le vawleicung ram hna nih President Trump ramleng khualtlawn lai an i ngaih tuk cang hna. Lungtho taktak in an rak zoh cia cang' tiah a chim chih. Ramleng khualtlawn an tim cang.
Cun Roman Catholic Inn pi a simi Vatcan zong a tlawng lai i, Israel zong a tlawng hna lai. Ramchung remkhel thangchiatnak a chuahtermi nih ramleng a khualtlawnnak ding zong a hmual a zorter ngai lai tiah Amercan upa tampi nih cun an ceihphai.
Asinain Tillerson nih cun 'atu tan ramleng President Trump khualtlawn dingmi nih hin vawleicung ah America hruaitu a sinak a thar in a langhter than cang lai. Obama chan cozah nih kan hawile Asia, Middle East le Africa ram pawl hnabei a donghter tuk hna i, atu cun a thar in kan thawnter than cang lai' a ti.
'America he riantuan ti than ding in timh cia an si cang hna. Tutan President Trump khualtlawn dingmi kong cu hi hna hi an si. America a tho than cang. Trump cozah ah America nih a hawile ram pawl he vawleicung tapung kan hloh dih hna lai. Biaknak ral kan do lo; zatlangnun phung ral kan do lo. Thatnak le sualnak raldohnak a si' tiah a chim chih.
Sualnak hi miphun kip zumhnak nih kan doh lai. Hihi Trump nih a chim dingmi zong a si. Tu zarh chungah President Trump le US Secretary of State Rex Tillerson cu Suadia Arabia siangpahrang le a cozah an tlawng hna lai. Muslim hruaitu dangdang zong an rak ra cio lai.
Cun Israel in Vatican in NATO in G7 meeting tiang ramleng ah caan an hmang lai. Ref: TOI.