US First Lady Melania Trump le an fapa hniang bik Barron Trump cu Inn Raang ah an phan cang. An fapa Barron Trump sianginn kai ruangah New York i an inn Trump Tower ah nufa hna cu an um.
Atu cun sianginn aa dinh caan a si caah an pa sinah an um cang. Inn Raang an phak hnuah The First Lady nih twitter in zarhpini zanlei ah a tialmi cu 'kan inn thar ah philh lo dingmi nehnang thla ding kan i ngaih tuk cang' tiah a chim.
Inn Raang ah an pa Trump an fonh cang. Chungkhar tling in an um ti cang. Inn Raang ah caan zeimawzat a hman hnuah furpi a tlak in Maryland ah Barron Trump cu sianginn a kai than te lai. Melania Trump nih a fapa sianginn kainak caah thazaang a pe ngaimi a si.