Nikhatni zan i WWE Raw ah Universal Championship aa cuh dingmi Samoa Joe nih Universal Champion Brock Lasner biachimtu Paul Heyman hnawng in a dih i a thi dengmang. Brock Lasner thin a phawh tuk cang. Zarhpini ah ka hrannak ka chuah hnawh lai a ti.
Paul Heyman zong sau ngai lungfim loin a um hnuah duhsah in a vun i hrim i Brock Lasner nih phone in a rak chawnh. Paul nih zarhpini ah 'na saram sinak na chuah hnawh lai' tiah Brock Lasner cu a chimh.
Zarhpini (June 18,2017) ah Money In Tha Bank, tangka bawmh cuhnak zong a um lai; Championship cuhnak zong a um lai. A nuam kho tuk lai. Randy Orton le Jinder Mahal nih WWE Championship an i cuh lai. An linsa kho tuk cang.
Brock Lasner le Samoa Joe nih Universal Championship an i cuh lai. Paul Heyman hngawng a dihmi hrimhrim nih Brock Lasner thin a phawh tuk cang. Cheukhat nih cun 'Paul Heyman hngawng a dihmi cu chandeuh fano a nu hmaiah lakpiak bantuk a si cang' an ti.
Tangka bawm aa cuh dingmi hna cu United States Champion Kevin Owens, AJ Styles, Baron Corbin, Sami Zayn, Dolph Ziggler le Shinsuke Nakamura an si lai. Tangka bawm a comi poah cu WWE champioship cuhnak nawl an ngei lai.