Real Madrid Star bawlungchuih thiam Cristiano Ronaldo cu faphir a ngei lai tiah Portuguese TV nih a phuan. Cristiano nih mipi theih in a chim bal lo. A thlithup in a chiah lengmang, asinain Portuguese TV nih a phuan. A faphir hna min zong a sak cang hna.
Nu le pa te an si i, Mateo le Eva tiah min a sak hna. A ngaknu nih pawimi si loin nu dang nih an pawipiakmi a si. Nu dang sinah a ci an chiah i a pawipiakmi a si. A nu cu US ummi a si i, a paw puar ngai cang.
A rauh hlanah nau a ngei colh lai tiah report nih a tial. Cristiano chungkhar kong a theimi nih a chimmi cu 'faphir ngeih lai an i ngaih tuk cang. An chungkhar ah minung pahnih an i chap dingmi cu an hngahhlang tuk cang' tiah a chim.
A chim thanmi cu 'a hmur aa cip ko rih. Aho hmanh theihter a duh rih hna lo. A chungkhar deuh lawng a chimh hna i fanu le fapa ka ngei deng cang' tiah a chimh hna a ti. Kum 32 pa nih fapa a ngei cang. A min ah Cristiano Ronaldo a si i, Cristianinho tiah an auh. Kum 6 a si cang. Ref: The Express.