Motorbike cu Paris i khua kiangkap lam pi ah a ran khawh chung rang in a rak tli thluahmah. A hmumi kip an khuaruahhar dih. Hmaan a thlami zong an um i video a lami zong an umm. Motorbike cungah minung an um lo.
Asinain minung mongh bantukin aa mong i rang taktak i a tli i motor he aa pah fawn lo. Video a latu nih cun 'fiang tein kan hmuh dih. Ke hnih motorbike cungah aho hmanh an um lo. Mithla a si ko' tiah a chim.
Mipi khuaruahhar in an um lioah Le Parisien nih a report mi cu motor he an i pahnak ah a mongtu cu a ban aa khawng i a tla. Asinain a motorbike cu tang loin a tli thluahmah tiah a tial. Motorbike cung in a tlami cu motor ngeitu nih sizung ah a tlik pi.
Zeitin dah tang loin minung cit loin motorbike a tlik khawh ning a si tiah biahalnak tampi a chuak than. James Bond film zong ah aa telmi Jean-Pierre Goy nih a chimmi cu 'mah naak hmanh in hla deuh minung cit loin a tli khomi motorbike an um rih' tiah a chim.
"Minung tel loin meng 600 tiang hmanh a tli khomi motorbike an um' tiah a chim chih. Asinain Le Parisien nih fiang tein aa khawngmi kong a chim fawn lo. Motorbike cu amah lawng in a tlik lio hmuh cio a si fawn. Fiang tein theih a duhmi an um peng rih. Ref: The Daily Mail.