American college student Otto Warmbier cu North Korea zoh ding in 2016 ah ninga caam ding in a tlawng. An tlaih i thla 17 chung thong an thlak. A dam ti lo. Mahhngal loin a um cang timi an theih hnuah US nih an va chanchuah khawh.
Asinain US an tlun pi zarh khat hmanh a tlin hlanah Otto Warmbier cu vawleicung a khuatlawnnak in aa din cang tiah a chungkhar nih an phuan. Ohio i Cincinati khua an inn ah kum 22 college kai lio pa cu a chungkhar hmaiah a thi.
Otto Warmbier thihnak nih US zong a thinhunter ngai. North Korea zong a rengh chin lengmang cang lai tiah an zumh. American nih North Korea tlawn zong an rim ngai cang lai. Tu zarh chungah Taluk le US zong biaruah ding in timhnak an ngei.
Secretary of State Rex Tillerson hi Warmbier luatnak ah tuanvo latu a si. A chimmi cu 'North Korea nih dingfel loin thil an tuahman cu an tuar lai tiah a chim. US Sen. John McCain nih cun 'Kim Jong-un cozah nih Otto Warmbier an thah' tiah a chim.
President Trump zong a thinhung ngaingai. 'A chan lailing ah an thah. Otto thihnak nih ka cozah lungput zong a thlen chin lengmang cang. Minung upatnak a ngei lomi cozah ah sualnak ngei lo minung an tlak sual tinak hnga lo ka kham cang lai' a ti. Ref: CNN News.