California rili ah nu pakhat nih a fanu kum 11 nu te cu a thilpuan a phoih dih i taklawng in a chiah. A mit le a kaa chungah thise khat cikcek in a rawn dih. A tuk i a velh chih. A nu nih a chimmi cu khuachia ka thawlpiak a ti.
Kimberly Felder, 45, nih a fanu a tuahto ning cu rili kam ah a ummi kip nih an hmuh dih. An khuaruahhar dih. Zeidah a tuah hnga an ti. Kum 11 hrawng te a simi a fanu te cu an zoh i an zaangfak tuk. A bawmh awk an thei lo.
A nu nih cun a bengh chih, a tuk chih i a phunphun in a hrem lengmang. Tlawmpal a rauh hnuah John Marciel a rak phan. Felder nih mi nu cu a thloh. "Na fanu cu zeiruangah dah na velh lengmang' a vun a ti. A tlaih i vawlei ah a nam chih.
Police an rak phan i an tlaih. A fanu te cu fak ngaiin a hnakhawh aa hliam cang. Sizung ah a rannak in an kal pi.
A hnuah a bawmtu John Marciel cu bia an hal. Zeiruangah dah hngakchia nu te kha na bawmh an ti. 'Pathian nih a ka thlahmi a si tiah ka ruah. Rat kaa tim lo. Asinain rat ding in ka lungchung ah a chuak i ka rat ahcun ka hmuh hna. Cuticun ka bamwhnak a si a ti.
A nu cu tazacuai an timh. Police officer pakhat nih a chimmi cu 'John Marciel rak um hlah seh law a fanu te a rak thi diam cang lai tiah a chim. Marciel cu Red Cross Life Saving Award timi laksawng zong an pek. Ref: TCP.