Nizan nirukni ah US nih Syrian ralkap a kahmi hna kongah Russia nih US ralrinnak a pek than. Tu thla chungah US raltuknak vanlawng nih Syrian ralkap le an hawile tapung voihnih a phomh cang hna. Iran drone zong puak lakin an kahpiak hna.
US nih an chimmi cu 'ri kan khiahmi chungah an rak lut i kan kah. Kan caah ral an si caah kan kahmi hna an si. Drone nih kan ralkap training tuahnak hmun zong an rak kah. Iran drone a si. Asinain a hmual a thawng lo. Kan raltuknak vanlawng nih a zuan hnawh i an kah' tiah an chim.
A chim thanmi cu 'Syrian President Assad ralkap nih an dirkamhmi tapung kan ralkap umnak hmun ramri chung an luh caah kan kahmi hna a si' a ti.
Nirukni ah Russian foreign minister Sergei Lavrov nih US State Secretary of State Rex Tillerson sinah phone in a chim. 'US nih Syrian ralkap le an hawile tapung nan kahmi hna hi kan cohlan khawhmi chungah aa tel lo' tiah a chimh.
US cawlcangh nih Syria ramchung buainak a damter kho lai lo. Syria ramchung nawlngeihnak le phung zong nan buar. Hmailei ah cun hi bantuk hi um ti hlah seh' tiah a chimh. A dangdang kong zong an ceih chih. Zeitin dah Syria ramchung buainak kan damter lai timi tiang an ceih. Ref: VOA News.