Nilini ah Russian President Vladimir Putin cu ramchung TV ah kum tin in tuah tawnmi biahalnak le bialehnak an tuah. 2016 US thimnak ah Russia aa thlak ruang le Ukraine in Crimea a lak ruangah US nih dan an tatnak kong an hal.
Putin nih cun 'kan i ruah lo piin thil a cangmi a si. Mah thil nih a langhtermi cu ramkhel raldohnak dong loin an ngei peng tinak a si, asinain sual a kan puhmi ah hin a hram a um lo. Crimea zong rak um hlah seh, buainak dang zong um hmanh hlah seh law Russia namnehnak lam an kawl thiam ko lai' a ti.
Russia hi hmailei thanchoter le fonter an duh lo caah a phunphun in a kan rengh lengmang. Crimea hmah rak la hlah u sih law Russian namneh caah lam dangdang an kawl thiamthiam ko lai. Hnulei in Russia tlaih lengmang a kan duh caah hi policy hi an ngeihnak a si' tiah Russian President Putin nih a chim. Ref: CNN.