North Korea kan kah ko lai tiah US nih a phuan cang. A tuanh le a tlai lawng a si cang tiah tuaktan kho nih a chim. US le North Korea entainak hi a sawhsawh a si ti lo. North Korea nih sunghkhan a duh lomi hrimhrim hi US caah mitchimh khanh awk a tha ti lo.
International Affair kongah tuaktan thiam a simi Dr George Friedman nih cun North Korea pawngah US nih a raltuknak tilanwg a chiah hnawhmi hi a sawhsawh a si ti lo. North Korea kah caan a nai cang tinak a si ko tiah a chim.
'US nih North Korea a kah lo ahcun mi nawl cawn thiam menmen kan si lai' tiah Strategic Investment Conference ah a chim. US nih timhnak kan ngeih lengmang cang; North Korea zong nih timhnak a ngei lengmang cang' a ti.
A chim thanmi cu 'North Korea zong nih lau lengmang in US tuah a duh ve; US zong nih tuah a duh ve. Caan tha an a hngak veve pengmi an si. North Korea nih a missile le nuclear a ngol lo ahcun kan khur chung lawng ah kan kum kho ti lai lo. Zoh sawhsawh awk a tha ti lo' a ti.
Korea le Japan ah kan ralkap le raltuknak tilanwg lianlian kan chiahmi hna hi zoh dawh ah kan chiahmi an si lo. Hman ding in kan timhmi hna an si. Taluk ngaihchiatter kan duh lo caah caan kan hngak lengmang. Taluk zong a lung fiang cang. Kan leiah caan tha a um ko cang' tiah a chim chih.
North Korea nuclear le missile program hi US ca lawng ti loin Japan le South Korea ca zong ah tih a nungmi a si. Japan hrimhrim cu zamnak kongah training an ngeih a tam cang. Ref: The Express.