Taklawng in lung pumpi cungah hla a sami Miley Cyrus nih sechoh hnah zuk ka ngol cang tiah a phuan. US TV Show ah bia an hal i a tuanbia vialte a phuan dih. Hlasak thiam Miley Cyrus nih a chimmi cu 'sechoh hnah zuk loin ka rak um kho lo' a ti.
Sechoh hnah a zuk lio hmanthlak tar zong a hmangmi a si. TV Show ah cun 'sechoh zuk ka hmanmi vialte ka hlonh dih cang hna. Sechoh hnah zuk nih thah a ka timh. Ka nunnak hrawh a ka timh. Ka mang zong a chia lengmang.
Tih an nung tuk. Mang ka manh i ka thi te ko lai tiah ka zumh a ti. TV Show biahaltu Jimmy nih a halmi cu 'sechoh hnah na zukmi a tam cang maw?' a ti i Miley nih a lehmi cu 'a tam tuk cang' a ti.
Album thar chuah kaa timhmi ah ka ruahnak chiah ka duh cang. Ka tuanbia hlun le ka kuakzuk hman vialte cu hnulei ah ka chiah dih cang hna lai a ti. 'Ka chuah dingmi album hi ka tuahmi valte lakah a biapi cem a si' tiah a chim chih. Ref: The Daily.