Model Lea 20 le Tim 31 hi minung thisen dawp hmang (vampire) bantukin thisen aa dawpmi an si. Cehrep in an thaksa an i ah i an thisen an i dawp. Siring (Syringe) zong in an taksa an i chunh i an thisen an i dawp. A konglam an chimmi cu khuaruahhar ngaingai a si.
Texas i Austin khuasa an si i minung thisen dawp hmang vampire bantukin an um. A ngaknu min ah Countess Lea of House Van Doorn tiah an auh i a tlangval min ah Count Tim of House Van Doorn nih an auh. A luan cia kum hnih ah khan vampire puai ah an i tong.
Mah hnu cun an i thlah ti lo. Thitumnak ngeih ding in timhnak an ngeih cuahmah lio a si i, vampire phungning bantukin an puai zong an tuah lai. A ngaknu nih a chimmi cu 'facebook in kan i tong hmasa. Kan i theih chin lengmang tikah kan duh ning zong aa khat chin lengmang.
A voikhatnak ahcun sex duhnak ruangah a si. Mah hnu cun kan i duh chin lengmang. Kan sex zong a sang tuk. Kan vun theih than lengmangmi cu sex tiang lawng kan rak si lo timi kan theih. A hnuah cun thisen dawp tiang kan tuah cang. Kan sex tuahmi naak in kan i nuam deuh cang tiah a chim.
'Sex naak in thisen dawp ka duh deuh tuk cang. Ni fatin ti awk in kan taksa kan i at i kan i dawppiak lengmang' tiah a ngaknu Lea nih a chim. A chim thanmi cu 'midang nih cun kan sining kong hi an i buai pi tuk, asinain kanmah caah cun kan kokek thli dawp tluk a si.
Hi nunnak hi ka kal tak kho ti lai lo. Mi vialte caah hi nunnak hi ngeih khawh a si lo. Hihi kanmah caah cun nunnak a si' tiah a chim. Ref: The sun.