Russian le Trump campaign riantuantu upa pehtlaihnak an hlat lengmang lioah FBI Director James Comey cu Trump nih a rian a phuah. A hmaban pehzulh i hlathlai than ding in Robert Mueller cu a hleiin nawlngeihnak he tuanvo an pek than.
Mueller hi President Geroge W. Bush nih FBI Director caah 2001 ah a rak thimmi a si i, 2013 tiang FBI Director a tuanmi a si. Comey rianphuah hnuah Mueller cu Special Counsel caah thimmi a si. Asinain Mueller zong a rianphuah ding in Trump nih a ruah cuahmah lio a si tiah Ruddy nih a chim.
Christopher Ruddy hi Trump hawi a si. Nikhatni ah Inn Raang ah Trump he an i tong. Mah hnuah Trump nih Mueller rianphuah a timhnak kong a chim.
Asinain Inn Raang press secretary Sean Spicer nih a chimmi cu 'hi kongah Ruddy nih Trump a ruah bal lo. President le a ruahnak petu lawng nih an chim dingmi thil a si' tiah a chim. Ruddy nih cun 'ka chimmi hi a hmaanmi a si ko' a ti ve. President Trump nih fianternak a tuah rih lo caah bia fiang theih a si rih lo. Ref: CNN News.