President Trump nih UK khualtlawn a timhmi cu UK mipi nih an ka doh tuk sual lai i sandahpiahnak a tam tuk sual lai tiah a thawn diam. Trump nih May cu phone in a chawnh i tlawn ding in kaa timhmi pah chih ka duh lo a ti.
Lam zawh in mipi dohnak a chuak lai i an buai tuk sual lai tiah Trump nih UK Prime Minister May phone a chawnh i tlawn a timhmi ni le caan a thawn than. UK Parliament upa cheukhat nih an chimmi cu 'Trump nih a kan tlawn zong ah puan sen kan phahpiak lai lo' an ti.
President a tlin ni sarih hnuah May nih tlawn ding in a rak sawmmi a si. May zong Inn Raang ah a rak tlawng. Ramdang in a rak tlawng hmasa cem a si.
ISIS nih London mipi an thah hna hnuah Trump nih London khuabawi Sadiq Khan fak ngaiin a phomh. ISIS nih voithum tiang an phomh hna lioah Khan nih 'thinphan ding a um lo' tiah a chim. Trump nih 'mah tluk in phomh lioah thinphan ding a um lo ti cu' tiah a ti.
Mah hnu cun Trump le Khan karlak ah rem lonak a thawng chin lengmang. Khan nih PM May zong 'Trump tlawn an timhmi hi let than' tiah a hal. Cu hnuah Trump nih a vun a tlawn dingmi a vun thawnter thanmi a si. Ref: The sun.