New York ah UN meeting tuah ding in North Korea cozah aiawhtu upa an rak tlawng. John F. Kennedy Airport chuah an vun timh ah US nawlngeitu nih an tlaih hna. North Korea cozah nih cun 'hramhram in a thil zong an chuh hna' tiah a chim.
Korean Central News Agency (KCNA) nih US Homeland Security offiicer an mawhchiat len hna. Kan diplomat nih a herhmi thil phurhnak le khualtlawnnak catlap a ngei dih. 'Hi bantuk thil tuak hi fih a nung tukmi thinhunternak le phungning lo a si' tiah an vun phomh len cang hna.
US cozah nawlngeitu hi 'misual bu' bantukin an um tiah a tial chih. US Department of Homeland Security nih an chimmi cu 'John F. Kennedy Airport ah North Korean minung pathum kan ton hna. Diplomat sinak an ngei lo' an ti.
UN riantuannak he aa pehtlaimi zong an si lo. Media thilri le thilri dangdang tampi kan tlaihpiak hna tiah a chim.
KCNA nih a tial thanmi cu 'zeitluk in dah US nih a kan huat i an tuahsernak hi zeitluk in dah a zohchiat. US nih zeidah ka tuahmi a si ti hi tha tein aa zoh than a hau. A tuahser bantukin lehrulnak a ton ve te lai' tiah a tial chih. Ref: CNN News.