North Korea nih missile a hneksak lioah Kim Jong-un nih a chimmi cu 'Korea rili ah ningcang loin a ra lengmangmi US tilawng hi kan duh tik poah kan hrawh khawh cang hna' tiah a nih pah in a chim. Raltuknak tilawng kahnak missile zong tluang tein a hneksak khawh than.
Kim Jong-un hi US he raltuk aa tim ko timi an theihnak cu nai hrawng hi a phunphun in timhnak a ngei lengmang. Missile a hneksak lengmang hnuah a raltuknak vanlawng eksaisai tuahnak zong a ngei. A raltuknak vanlawng mongtu zong ah a lungtling.
Cun raltuknak tilawng kahnak missile zong a hneksak than. Kim Jong-un nih a chimmi cu 'US raltuknak tilawng kah khawhnak thazaang kan ngei cang. Kan duh tik poah ah US tilanwg kan kah khawh cang' tiah a chim.
Korean Central News Agency nih a tialmi cu 'hi bantuk kan rocket hi a thawng tukmi hriamnam a si. A sullam cu kan ral hna raltuknak tilawng phu pawl a hrawh khawh dih cang hna lai. Kan rili ah duh poah in an um lengmang hi kan zoh sawhsawh kho ti hna lo' tiah ralrin peknak a tial than. Ref: The Rodong Sinum.