US ralktuknak tilanwg USS Fitzgeral le chawlehthalnak tilawng aa pah i fak ngaiin a rawk. US ralkap minung pasarih an tlau. Aa hliammi zong an um len hna. Japan rili Yokosuka in meng 56 aa hlatnak Pacific Ocean ah a si.
A rawkmi a fah ngai caah Fitzgerald chung tiangah ti an lut dih. Chawlehthalnak tilawng ACX Crystal hi Philippines leiin a rami a si. A rawk ngai ve. Nirukni zan 2: 30 a.m ah an i pah. Minung zeizat dah an i khawng timi a fiang rih lo. ACX Crystal hi US raltuknak tilawng naak in a let thum in a ngan deuhmi a si.
US raltuknak tilawng hi mongh khawhmi missile kahnak phurtu zong a si. A chungah minung 330 hranwg an um. Febuary ah khan $ 21 million dih in an remh thar te a si. Indo-Asia hrawnghrang dai tein a um khawhnak hnga Pacific hrawnghrang ah aa chawkvak tawnmi a si.
US raltuknak tilawng hi vawleicung raltuknak tilawng ah a sangbik pakhat aa telmi a si. Radar system zong a sang taktakmi a ngei. Zeiruangah dah an i pah timi le zeiruangah dah an hrial khawh lo ning a si timi a fiang rih lo. Ref: BBC News.