North Korea cozah nih thong an thlakmi Otto Warmbier cu US cozah nih an luatter cang. An luatter ning cu US cozah le North Kore cozah an i chawnh hnuah Otto dirhmun le dam lonak an theih i Trump cozah nih luatternak a si.
June 6 ah khan State Department Special Representative Joseph Yun le North Korea UN mission ambassador Pak Kil-yon cu New York ah an i tong. Otton ngandamnak a that ti lomi kong an i ceih. Tonnak an ngeih hnuah State Secretary Rex Tillerson nih Trump a ruah than.
Yun cu an ton than i North Koreal ah kal i Otto lak ding in an fial. June 11 ah khan Yun le doctor zeimawzat cu North Korea ah an kal. North Korea an phak cangka in Otto ton ding in an hal hna i, doctor pahnih le Yun nih an va ton colh.
An zoh tikah a dirhmun a chia tuk cang. 'Botulism' timi zawtnak nih a rak tlaih cang. Sivai rawl ei sual zawtnak nih a tlunh cang. Mahhngal loin a um cang. Hngilhnak si a dinmi a zualter khun. A rannak in Yun nih 'humanitarian' (a tonmi harsatnak dirhmun) zoh in luatter awk ah a hal hna.
Cuticun a tlunnak ding lam an onhpiak. A nu le pa nih cun North Korea chimmi an zum ti lo. Botulism ruangah mahhngal loin a ummi a si tiah North Korea nih an chimmi cu Otto a nu le pa nih an zum ti lo.
Doctor nih an chim thanmi cu 'hi bantuk hi cu a thluak ah thisen pechantu a that ti lo caah a thluak thihri an rawhmi a si. Thluak thihri thihnak tiang a phan tawnmi a si an ti.
Atu cun US an phanh pi cang. Sizung a um lio a si i, a rauh hlanah a chungkhar umnak Ohio ah a kal colh lai. Ref: CNN News.
Doctor nih an chim thanmi cu 'hi bantuk hi cu a thluak ah thisen pechantu a that ti lo caah a thluak thihri an rawhmi a si. Thluak thihri thihnak tiang a phan tawnmi a si an ti.
Atu cun US an phanh pi cang. Sizung a um lio a si i, a rauh hlanah a chungkhar umnak Ohio ah a kal colh lai. Ref: CNN News.