Alexabdria Vera 24 nih a sianghngakchia kum 13 minung cu ni fatin in nu le pa sinak a tuah pi caah nau a pawi i kum 30 chung thongthlak ding in dantat a si.
A nunchung thongthlak ding hmanh a si nain ka sual ko tiah a sualnak a phuan caah kum 30 chung tu thongthlak ding in a bia an khiahpiak.
Houston’s Stovall Middle School ah tangriat a chimmi hna a si i, 2015 ah khan a tlangval pa hi a rak ton. Phone no. an i hal i pehtlaihnak an ngei thai. A sayamah nu nih a inn ah a va lak i, hmun kip ah an leng.
A thaizing ah a inn ah a va leng than i, a tlangval pa chungkhar an um lo lio a si i caan tha lak in a voikhatnak a tuah pi. Aldine Independent School District Police sinah a chimmi cu ka inn ah ni fatin in kan tuah ko a ti.
Zan zong ah tlangval pa te hi aa riah pi lengmang. Tu kum January khan nau an pawi. Tlangval pa te chungkhar nih an theih i fapa kan ngei lai tiah an i lawm ngai. Asinain Texas Child Protective Services nih an i pehtlaih ning an hal hna tikah nau cu a hrawh than. Ref: The Sun.