England football captain Wayne Rooney cu a mit sen nawn le a hmur ah wine sen nawn in hngaknu pahnih hna he chep nawn in an kup i a thu. A rit ngai caah dir hmanh kha thathi in dir kho loin a um.
Ngaknu pahnih lakah pakhat cu Rooney bawngpi bantuk aa hruk i, thitumnak party hawileng theo a si lai tiah zumh a si. The Sun nih a chim ning ahcun Rooney cu a chep ngai caah lam hmanh thathi in a kal kho lo. A mit zong thathi in a au kho lo. Bia zong thathi in a chim kho lo a ti.
November 15 ah khan Spain he hawikawm lentecelhnak an ngei i, a khup hma ruangah a boss Jose Mourinho nih a celh tel lo. Hotel i thitumnak party an tuahnak ah Rooney cu a rit ngai caah zing lei 5 am tiang a um tiah hotel hawileng nih an chim.
A wine dinmi a tam caah a donghnak leiah cun a kal hmanh a kal kho ti lo. England captain maw a si tiah a zumh hmanh an zum lei lo tiah thitumnak zohkhanhtu pakhat nih a chim.
Nihnihni ah a boss he an i tong lai. A zuritnak hmanthlak an chuak dih cang. Buainak zong a chuahter i mi kip nih an theih dih tiah minung pakhat nih a chim. Minung pakhat nih a chim thanmi cu Rooney hi zudin a duh ngaimi a si. A ratnak Irish cithlak an sinak phung le lam pakhat a si a ti. Ref: The Sun.