Hardman Riyad Jaffar 27 nih a tha taktakmi sniper meithal he checkpoint a congh lio a si. ISIS kut in lak an timh cuahmahmi Mosul in meng 30 aa hlatmi Qayara khua ah si.
Hell ah pakhat hnu pakhat in ISIS kuatu tiah an auhmi zong a si.
Iraq khuapi lian ah aa telmi a phnihnak Mosul cu ISIS nih kum hnih chung an uk cang. Cu chungah minung an thahmi hna an tam i naite ah thlaan hmun an hmuh chin lengmang hna. A bubu in mi thi ruak an chiahmi hna hi 350 leng an kai cang.
Iraq ralkap le an hawile hna nih Mosul lak ding in an doh cuahmah lio hna a si. British ralkap SAS le US ralkap zong nih an rak bawmh hna. Kurdish ralkap zong nih an bawmh hna. Mosul lak ding in an dohnak hna hi thla khat hrawng a si cang. ISIS 1000 hrawng an thah cang hna.
Asinain cozah lei ralkap zong an tuar i an i hliam ngai hna. Doctor zong an i deuh lo pinah si lei herhbau a tam ngai. Hliam hma a ing i a thlopbul colh lo cun a thi lai timi in zoh hmasa le thlopbul hmasa an si tiah CNN news nih a chim.
October 17 khan biatak tein an kah hna i ISIS cu an i zukphiak chin lengmang. Nithumni ah khan ISIS kut ah a ummi Mosul in nitlak leiah a ummi vanlawng hmun an lak cang. Ref: The Sun.