Kum 25 British nu cu kan hnu thla ah khan Dubai ah Holiday ah a hmang. Holiday a hmannak ah British mi pahnih nih an ka tlaihhrem tiah Dubai police sinah a report.
Asinain Emirati upadi na buar tiah police nih an rak tlaih lehlam. A tlaihhremtu pahnih cu Britist ah an tlung cang. Dubai hi vawleicung ah ram nuam bik ah aa tel i, tourist an tam taktaknak hmun le ram zong a si. A thangcho taktakmi ram zong a si, asinain an upadi hi a khohcho taktakmi a si.
Tlaihhrem kong hi ningcang loin report ngam ding a si lo tiah Detained in Dubai bu director Radha Stirling nih a chim. A chim thanmi cu hi bantuk case kong report cu a him lo pinah dantatnak huah hninh tiang in tonnak a si a ti.
Dubai ahcun nu le pa sex tuahnak kongah an upadi hi kan i ralrin ngai a hau tiah Commonwealth Office ruahnak petu nih a chim.
Pa nih a nupi he lawng sex a tuah lai i, nu zong nih a pasal he lawng in sex a tuah lai. A dang paoh cu upadi nih a onh lo. Same -sex marriage zong an phung nih a onh lo; nu le nu zong a onh lo i, pa le pa zong a onh lo. Thlaihhrem zong an upadi nih a onh lo caah thongthlak le dantat thiamthiam a si.
Nu le va pin hrimhrim ah zei bantuk sex hmanh tuah lo ding ti hi an upadi a si. Thlaihhrem zong nu le va leng a si zongah upadi tangah dantat thiamthiam a si. Ngaknu nih tlaihhrem an ton tik zongah dantat thiamthiam an si lai.
Dubai cozah nih midang he sex na tuah an in theih ahcun taza an in cuai lai i thong maw an in thlak lai; na ram ah dah an kirter than lai' tiah U.K official nih a chim. Ref: Chrisian Post.