President Donald Trump nih Mexico-US ramri vampang chon ding hi biapi tuk ah a chiah. Trump ruahnak petu hna zong nih an chimmi cu Congress hnatlak pi lo zong in a chon khawh ko lai an ti, asinain zeitluk in dah a har te lai?
2008 le 2010 ah Congress nih ramri kham ding in upadi an sermi a um. President Donald Trump nih a chuah pi than lai i vampang chon nih a tei ding hrimhrim a si. Asinain ahodah tangka a chuah lai?
Mexico nih an pek ve lai tiah Trump nih a rak chim, asinain an pek duh lo ahcun Congress sinah lam dangdang a kawl a hau hnga! Kum tin in Department of Homeland Security caah tangka an chiahmi hmang zong in tuah khawh a si. Asinain senate ah vote 60 a hauh lai caah democracts dirhkamh zong a hau rih.
Tangka le democrats leiin tlamtling seh law a herh deuhmi cu vampang dirhnak ah hin pumpak hmunhma a lakmi a um len lai caah tazacuainak an chuak len lai. Texas hrawnghrang hna ah khin cun pumpak hmunhma a hnursuan len lai caah court ah phisin ding a tam ngai lai an ti.
Ramri hrawngah ram hlumtu (Native America) tbk hna he chonhbiak a hau ding zong an um len rih i, Arizona ramchung hrawnghrang zong tan thluahmah a hau ding an um len ti a si. Vampang sernak caah tangka in a siah hmunhma ngei hna he a siah tlamtlinter ding zeimawzat an um len hna caah Trump hlawh a tling te lai maw timi hi an ruah ngaimi a si. Ref: CNN.