Campaign a tuah lio zongah a chim pah lengmang cang. President kan tlin ahcun president tuan man lahkhah ka la lai lo a rak ti. 60 minutes biahalnak an tuahnak zongah a nolh than rih. Amerca president lakah tuanbia sertu pakhat a si lai.
President teinak a hmuh ah khan biahalnak a tam cemmi cu president a tuan ahcun ahodah a business a tlaihpiak lai ti a si. Billionner pakhat a si ve tikah a riantuan ding a tam i, amah nih a tlaih khawh lo tikah ahodah a rian chawng lai timi hi ruah cio a si.
Asinain ka fale nih an tlaih ko lai a ti. Kan ram caah riantuan hi a let in a biapi deuhmi a si. Ka pumpak business le kan ram caah riantuan dingmi hi tahchun tlak a si lo. Ka hotel hna hi ram caah riantuan dingmi he cun chim tlak a si lo tiah President Trump nih a chim.
60 minutes biahaltu Lesly Stahl nih president lahkhah kong a hal i, Trump nih 'president ka tuan man lahkhah ka lai lo' a ti. Trump nih a chim thanmi cu 'upadi ning in $ 1 hi ka lak lai, cucaah kum khat $1 hi ka lak lai. Asinain hi zong hi zeidah a si ka hngal lo' a ti i, Stahl nih 'kum khat ah 400,000 a si lai a ti i, Trump nih a lehmi cu 'lahkhah ka la lai lo. Ka la lai lo' a ti.
President lahkhah hi ka caah a biapi a si lo tiah campaign a tuah lioah a chim lengmang cangmi a si. Atutan biahalnak zong ah ka la lai lo tiah a nolh than rih. Twitter ah bia an rak hal i a lehmi hna cu 'lahkhah kongah cun $1 zong ka la lai lo' a rak ti cang hna. Ref: CBS news & CNN.